عرض مشاركة واحدة
قديم (س 12:41 PM) 18/06/2003, رقم المشاركة : 1
معلومات العضو
البطران
عضو مؤسس

الصورة الرمزية البطران




  

 

البطران غير متواجد حالياً


بين الحقيقة والخيال

الساعه (( 6 )) الصبح وانا كلي نشاط وحيويه
....تروشت ... حلقت ... فرشت سنوني ... نظفت غرفتي ..
ورتبت سريري !!

نزلت تحت لقيت الوالده مزينه الفطور !!!

قعدت مع ابوي واخواني على طاولة الفطور

ابوي قاعد على رأس الطاوله وانا واخواني حوله ....

ابوي يحبنا ... يقطع لهذا خبزه ويقرب صحن ( الحمص )
لهذا ويصب ( عصير برتقال فرش ) لهذاك ....

امي الله يخليها لي ولكم قاعدتن ترتب اغراض خواتي " وتكد
" شعورهن استعدادا للمدرسه .....

قضيت مفطر .... حبيت راس ابوي وامي وحببت اخواني واحد
واحد دورت الشغاله مالقيتها

ركبت سيارتي وربطت حزام الامان ومشيت ..... الشوارع
فاضيه مابها الا انا وابوي نمشي به

سرعتي ما تعدت 15 كلم ... وصلت العمل وحبيت راس المدير
وهمن رحت للقهوجي " مهب حق الاهل " وحبيت راسوه وقلتلوه
الله لا يهينك بيالة شاهي علماشي

دخلت المكتب خلصت المعاملات اللي علي وقضيت شغل
المراجعين بسرعه!!!

جت الساعه " 2 " ونص الظهر وقعت وطلعت راجعن للبيت

يوم دخلت البيت والقا ابوي ... وانا اللي امطخوه مع
راسوه وادور امي بسرعه ابي امطخها ... وامسك اخواني واحد
واحد وامطخهم بس الشغاله يقولون فوق تنشر الملابس قلت ما
يحتاج !!

العصريه اذاكر لاخواني ... وعقب المغرب زيارات عائليه ..
وبعد صلاة العشاء اقعد على الكمبيوتر اسوي برامج خاصة
بالشغل

هذا جدولي اليومي الكذبى تبون الصدقى ...؟؟؟؟

شوفو .......!!!!

اقوم من النوم الساعه "8 " ونص " 9 " .. وانا مقفلة معي
لو يقول لي أي واحد صباح الخير قلت له ( كل تبن (

عيوني مغمصه ومتأخر على الدوام يعني مهب لازم تنغسل

انزل تحت ولا فيه احد ... امي نيمه .. ابوي اخذ اخواني
للمدرسه ... وراح للشغل

القى شاهي مزينينوه قبل ثلاثة ايام .. يوم تجي جارتنا
لامي ... اشرب الشاهي واركب السياره

افتح الدرايش ...موت حر ...

<==== ما معاه مكيف بالسياره

امسك طريق الملك خريص ..... بس ما هنا سرعه يعني 140 ــ
150 بس

انواع المجاكر والتخطيم على العالم ... وانواع الحركات
باليدين اذا احد ضرب بوري

آآآآصل الشغل ... القى المدير يحترين عند الباب ....
مبرطم تقل هو اللي يكد علي

يسألن ... وشبك متأخر ؟؟؟

اقول .. والله جدتي انفقعت ...

<==== هذا يبي يقول ... جدتي ماتت .. والكفر انفقع

عقب هالاجابه الدوبلوماسيه ... يفلقن بخصم

تجي الساعه 11 ونص وامسك الباب.. يقالي ابروح اجيب اخواني
... والصدز اني اعسل

ارجع الساعه " 1 " الظهر ... مالي نفس بشي ...

<==== هذا راسوه منتفخ من المعسل ... اثر الشيشه تنسم

يجون المراجعين اناظرهم بطرف عين واقول راجعنا الى حجة
البقر !!!

<==== ما يحب العجله

اوقع الساعه " 2 " الظهر واروح للبيت القى ابوي يحترين
مابعد تغدى .. بس مهب عشاني عشان اللي معي

<==== متصله عليه امه تقول جب لبن معك مابوه لبن

نتغدى انا وياه ويقحن من هاللبن لين يفقد الوعي .....
وينام جنب " السماط "

اقوم وانا دايخ .. اروح آآخذلي غطه الى عقب صلاة العشاء

<==== لا صلاة ولا عباده

اقوم من النوم وانواع السعسعه ... الى الساعه 3 الفجر
همن اجي وانكمخ





منقوووووووووووووووووووول




التوقيع

اللهم ارحم والدي وعافه واعف عنه وأكرم نزله ووسع مدخله..
ونقه من الذنوب والخطايا كما ينقى الثوب الأبيض من الدنس..
اللهم أبدله داراً خيراً من داره .. وأهلاً خيراً من أهله ..وارزقه الفردوس الأعلى ..
وأعذه من عذاب القبر ..وعذاب النار..اللهم اجمعني به في جنات النعيم

  _ رد مع اقتباس