لحجز مساحة إعلانية
مساحة إعلانية
 

آخر 14 مشاركات
من يعرف هذا الشاعر جمعية البر بأبها عطاء وإحسان
>>>> شخصيات ابهاوية من الماضي القريب >>>> ابر مانع الهازمي ؟؟؟
أسماء الاًدوات الزراعية والاًوانى المنزلية... اشهر الرقصات في الفلكلور الشعبي السعودي
منظومة أبر أمسروي الألمعي .. لحاكم صبيا محمد... السودة والحبلة
( انتماء : شاعر: وخواطر شعبيه ) نستعرض بعض روائع/الشاعرالكبير/ناصر محمد الغريدي...
ابو رايف السلام عليكم أنتقل الى رحمة الله الرقيب الشهيد علي سعيد...
ما هي أجمل لهجة سعودية بنظر الناطقين بها؟ أبناء... اللواء الركن العلكمي يترجل عن صهوة جواده ..
 
العودة   منتديات عسير > ~*¤ô§ô منتديات عسير العامة ô§ô¤*~ > إستــراحـــة عسيــــر
التسجيل التعليمـــات قائمة الأعضاء البحث مشاركات اليوم اجعل كافة الأقسام مقروءة
 
 
 
أدوات الموضوع
قديم (س 03:40 AM) 27/08/2003, رقم المشاركة : 1
معلومات العضو
البطران
عضو مؤسس

الصورة الرمزية البطران




  

 

البطران غير متواجد حالياً


أنـــــــــــــــــــــواع بنـــــــــات الـــــــــــــــــــرياض

أنـــــــــــــــــــــواع بنـــــــــات الـــــــــــــــــــرياض

فيه بنات ( قراوى ) .. وفيه نوع ( يسوون نفسهم موب قراوى وهم قراوى ) .. وفيه نوع مسوين فيها ( يااى بزياده ) وعلى بالهم هاى كلاس مارا مارا ( يعنى مره مره بس بطريقتهم )

ان كان يهمك تعرف هالانواع ووش تصنيف كل وحده فيهم .. تعال اعلمك ردة فعلها على كل موقف ( بس كل معلومه بخمسه يورو )
المواصفات و المعلومات عامه

الياى :
ماتتغطى على بالها محد يهمها ( لكن ان كانت توها صاحيه من النوم اى هين تكشف انواع الخشوم والعيون المتفخه )
وعباية عليها كل نقشات العالم + بوت مشي
المشيه تنقز تنقز بزعمها جاقنق
ومن رواد شارع العليا العام والتحليه والدبلوماسي
ومطاعم السيزون والريف اللبنانى والايطالى والقلوب والكوارتو

اللى هى قرويه بس مسوى فيها موقرويه :
تتلثم .. وعباية مطرزه (يبيلها سيوف الننيجا ) ..والعيون ترسمها 3 ساعات + تنس شوز
المشيه حبه حبه بزعمها ناعمه مره
من رواد المملكه والفيصليه والسيفوى وصحارى سنتر
و المطعم البرازيلي ( الترازو ) و ستارباكس و دابينو والصينى

القرويه :
برقع + نقاب .. عباية مخصره + جزمه حمرا عاليه
المشيه فيها هزه كنها راكبه جمل..ماعندها توافق عقلى عصبي فمشيتها
من رواد اليورمارشيه والجزيره والفيصليه والمملكه والاندلس والعروبه بلازا
والمطاعم ..مكدونال وهرفي و كودو ويامال الشام

الاهتمامات

الياى :
فلانه خطبها امير ؟!!
تمارين رشاقه ودايت قبل الصيف
ودى اتحجب هالسنه
متى ابطل تشاكليت

اللى هى قرويه بس مسوى فيها موقرويه :
فلانه طلقها زوجها
ابي اروح السوق عندى مقاضي
مسلسلات مصريه وكويتيه
تكلم 24 ساعه

القرويه :
تروح زواجات
تروح الخياط
تحط حنا فشعرها ( يععع )
تطبخ

اول ماتعرفها .. نوعية المواضيع اللى تحكى فيها معك

الياى :
عن وين سافرت اجازة الحج .. عن انها تبي تاخذ تان وتغير ستايلها .. عن ابوها وشركاته

اللى هى قرويه بس مسوى فيها موقرويه :
عن الشباب ومضايقاتهم .. عن انها دايم تغير موبايلها .. عن خطابها وكثرتهم

القرويه :
عن طلاق اختها .. عن ابها وجوها .. عن اخوها انه مايوديها للزواجات

لين جيت بتديتها

الياى :
تواعدك فالكواترو فى الفورسيزن .. والا تجيك بسيارتها ( والسواق وده يلعن خييرك )

اللى هى قرويه بس مسوى فيها موقرويه :
تواعدك فى الفيصليه ( ومعها كل خواتها ) .. والا تروح تاخذها من بيت صديقتها فى الروضه

القرويه :
تواعدك فى شاليهات الديره ( الثمامه ) ... والا تروح تاخذها من عرس( انواع الروائح بعد الرقص )

لين بغت تتفشخر و تدعى عليك

الياى :
تقول تصدق انو بابا يبي يغير البي ام حقى يقول خلاص له سنتين معك بس انا ماابي حبيت سيارتى خلاص احسها جزء منى ( بزعمها مايهمها )... والا تقول ههههاى الكردد حقى مافيه الا عشرين ريال انا مفلسه ( بزعمها واثقه من نفسها ) .. والا تقول ماما خيرتنى بين ساعه الماس والا تسفرنى ويك اند بيروت وش رايك؟

اللى هى قرويه بس مسوى فيها موقرويه :
تقول شركة الاتصالات حراميه بزود تونى مسدده فاتورة جوالى 5 آلاف... والا تقول هالسنه محتارين نسافر القاهره و دبي والا نروح ماليزيا و تركيا .. والا تقول كل اسبوع لازم نروح الاستراحه .. والا تقول انامليت وانااعزم صديقاتى فى الفيصليه ابي اغير وين اعزمهم ؟

القرويه :
تقول والله تونى شارية جوال ابوكاميره ( بزعمها قوه لوول ) .. والا تقول ابوى بيودينا لابها والشرقيه وحنا نبي سوريا .. والا تقول ياخى سواقنا ذا الاندلوسي وش زين سواقته ( بزعمها ماتطلع ماخوها )

لين قلتلها عرفى بشخصيتك او ميولك

الياى :
انا انسانه ابحث عن كيانى .. اكره القيود .. محد له سلطه على الا عقلى .. اسمع فيروز و كاترين برادا وكلاسك ميوزك .. احب الرجل يكون شكله شرقى لكن له مايند غربي

اللى هى قرويه بس مسوى فيها موقرويه :
انا صريحه .. اسمع راشدالماجد ..واحب الشعر .. برغم كثر مايخطبونى لكنى ابي زوج مثل خالد الفيصل .. عيبي طيبتى .. واموت فى (احمد السقا ) الممثل المصري .. غيوره حتى من نفسي

القرويه :
شف .. انا مانيب احب اللف والدوران يعنى احب الزبده .. ومنيب اجامل يعنى وجهى مغسول بمرق .. اه لو انك خالد عبدالرحمن .. اتمنى الاقى زى زوج اختى الكبيره تهانى .. احب البس تفصيل مااحب الجاهز

كيف تكلمك على موبايلك ؟

الياى :
ترسلك مسج تقول اى مس يو .. يعنى عشانك خفيف ومتاكده انك بتكلمها على طول

اللى هى قرويه بس مسوى فيها موقرويه :
تدق رنه وتسكر ..تقول اخاف يطلع رقمك فالفاتوره عند اهلها

القرويه :
تكلمك ربع دقيقه ..تقول كلمنى الحين مابقى فالرصيد الا 17 ريال ومخليتهم رسايل

كيف وضعها معك وباى طريقه تكلمك

الياى :
لازم تقول .. اها .. ولين طاح منها اى شيى تقول اوتش .. وطول ماهى تكلمك تحاكى الشغاله بالانقليزى.. تقولك مااعرف اكلم الا ومعى كوشنز .. ونص المكالمة تسمعك اغانى بايخه.. وقبل لاتسكر تقول تيك كير

اللى هى قرويه بس مسوى فيها موقرويه :
لازم تقولك انا متضايقه ابوى جايه خطيب كويس مره واخاف يجبرنى .. طول ماهى تكلمك امها تناديها بصوت عالى .. لين جتها اختها تحطك هولد تبي توريك عندهم سنترال ..لازم تقول تشاو قبل لاتسكر

القرويه :
لازم تقولك ابقوم احط لى عشاء.. تتصل عليك فاليوم 450 مره .. كل شوى تدبج فى ولد اختها وهى تكلمك .. تطلع السطوح تصلح الدش وانت معها عالخط .. ماتخلو اى مكالمه من الاهات والتنهدات.. تقولك ليش ماتتوظف ؟

لين بغت تتركك لاى سبب

الياى :
تقولك : ماعاد احس ان فيه بيننا كونكشن روحى .. وبليز اذكرنى بالذكر الكويس عند الناس واعتبرنى سحابة صيف

اللى هى قرويه بس مسوى فيها موقرويه :
انا انخطبت ..ولو سمحت رجع صوري اللى خذيتها فعيد الحب .. وحطها لى فالمناسبات

القرويه :
اهلى كشفونى .. وتكفى رجع الدوب اللى شريته لك من اليورمارشيه

لين تركتك فتره طويل ورجعت الفضاوه واشتاقتلك

الياى :
تحط لك على الفويس ميل( ياى عالفويس ميل) اغنية ( هاو كان اى كاتش يو )
وترسل مسج مكتوب فيه:
اى نيد سم ون
هى ونت مى
بت .. ووال بتوين اص
وير ازت ؟
اى لوزت ؟

اللى هى قرويه بس مسوى فيها موقرويه
:تكلمك صديقتها تقولك كلم فلانه ضرورى مسئلة حياة او موت
وتتصل عليها .. تقولك انا ماكلمتك الا محتاجة لك فعلا .. عندى مشاكل وتعبانه نفسيا.. اعتبرنى اخت او صديقه

القرويه :
تسجلك اغنية .. ابصملك على العشره
وتدق عليك رنه وتسكر 250 مره .. لين كلمتها تقول وشدعوه هالتغلى .. ياخى العشره ماتهون الا على السمرمدى

البطران

منقول بقوه لحد يصجني :D




التوقيع

اللهم ارحم والدي وعافه واعف عنه وأكرم نزله ووسع مدخله..
ونقه من الذنوب والخطايا كما ينقى الثوب الأبيض من الدنس..
اللهم أبدله داراً خيراً من داره .. وأهلاً خيراً من أهله ..وارزقه الفردوس الأعلى ..
وأعذه من عذاب القبر ..وعذاب النار..اللهم اجمعني به في جنات النعيم

  _ رد مع اقتباس
قديم (س 08:19 AM) 27/08/2003, رقم المشاركة : 2
معلومات العضو
آر بي جي

الصورة الرمزية آر بي جي




  

 

آر بي جي غير متواجد حالياً


مشكور البطران

تحياتي لك


...............آر
..............بي
..............جي




التوقيع

|584| |583|

|580|

|583| |555| |553| |484| |374|

|373|

|148| <br>Signature too long! A maximum of 6 lines is allowed (pagebreaks)<br>Signature too long! A maximum of 6 lines is allowed (pagebreaks)

  _ رد مع اقتباس
قديم (س 09:32 AM) 27/08/2003, رقم المشاركة : 3
معلومات العضو
الجارح
عضو مؤسس

الصورة الرمزية الجارح





  

 

الجارح غير متواجد حالياً


آه يالبطران وش ضامك

هبولي من عسلكم حفييييييييييييييشه ...
زادوا عليك الظاهر .




التوقيع



أنا لستُ مهتما بأصل قبيلتي



  _ رد مع اقتباس
قديم (س 05:50 AM) 28/08/2003, رقم المشاركة : 4
معلومات العضو
البطران
عضو مؤسس

الصورة الرمزية البطران




  

 

البطران غير متواجد حالياً


عسوج عسير

:D



  _ رد مع اقتباس
قديم (س 06:24 AM) 28/08/2003, رقم المشاركة : 5
معلومات العضو
جاك العلم
عضو مميز

الصورة الرمزية جاك العلم




  

 

جاك العلم غير متواجد حالياً


يا بطران يا انت يا خبل ..




التوقيع

نقرتين لعرض الصورة في صفحة مستقلة

  _ رد مع اقتباس

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

عناوين مشابهة
الموضوع كاتب الموضوع المنتدى مشاركات آخر مشاركة
فضيحة بنـــــــــات مع الهيئه !!!!!!!!!! ؟ mOthNn إستــراحـــة عسيــــر 9 (س 04:58 PM) 09/06/2006


الساعة الآن .


منتديات عسير
Ads Management Version 3.0.1 by Saeed Al-Atwi
جميع الحقوق محفوظه لموقع عسير
============================

2020